Mín stórustu framtíðarplön

Obbobbobbogojojojfussumsveiogseiseiseiussussussæææogóóó...engin ritgerðarskil að þessu sinni...frestun fram í febrúar.

Öll hughreysting og vorkunnsemi vinsamlega afþökkuð, sömuleiðis skammir og skuldaskellir. Mín sér alfarið um allt slíkt sjálf í einrúmi. Nóg um það, hér verða ekki höfð fleiri orð um þetta íþyngjandi málefni, fyrr en í fyrsta lagi í febrúar. Hér verður einvörðungu fjallað um upplífgandi viðfangsefni eins og heimkomu silfurskottanna okkar, afsakið, silfurstrákanna okkar og velgengni annarra. Feikinóg er nú til af góðum fyrirmyndum, best að fara að nýta sér þær. Var einmitt að horfa á heimildaþátt um J.K. Rowling, mömmu Harry Potter og öskubuskuævintýrið um það hvernig henni tókst að brjóta sér leið úr fátækt og þunglyndi með dugnaði og harðfylgi. Fékk vænan skammt af innblæstri eftir þáttinn. Héðan í frá verður því ekki lengur starað til baka og velt sér upp úr djúpri mistakaforinni heldur bara tekinn forsetafrúarstíllinn á þetta og hugsað sem STÓRAST. Og megi vitsugurnar hirða mig ef ritgerðinni verður ekki skilað í febrúar!

Athugasemdir

[Eyvinda (IP-tala skráð) 26.8.2008 kl. 16:47]

Sådan! You go girl! Best ad horfa bara fram a veginn og ekki velta ser upp ur lidinni tid;) Verdum i bandi, kram Eyvinda

[Guðrún Jóna (IP-tala skráð) 27.8.2008 kl. 20:44]

Þú trukkast þetta, efa það ekki. Ég verð að taka innblástur þinn mér til fyrirmyndar og fara að vinna í mínum málum líka. Verðum kannski báðar motnar og ánægðar með flottan árangur í febrúar

[Sólveig (IP-tala skráð) 28.8.2008 kl. 22:33]

Líst vel á að vera bjartsýn og dugleg í vetur

[Ingólfur (IP-tala skráð) 29.8.2008 kl. 16:43]

Eigum við að reikna með því að þú sleppir næstu Gólítólferð sem á að vera í enda janúar?

[Dulúð Jóns, 31.8.2008 kl. 17:45]

Takk gæsskurnar! Gott að fleiri ætla að gera það gott í haust og vetur, við getum þá hist og borið saman bækur okkar um hvernig gengur, hvort sem það er upp eða niður!

Hmm...alltaf jafn tímanlegur með ferðaáætlanirnar, Ingólfur! Við skulum ekki örvænta alveg strax